Саудалық атауы
Мериоферт


Халықаралық патенттелмеген атауы
Жоқ

Дәрілік түрі, дозалануы
Инъекция үшін ерітінді дайындауға арналған лиофилизацияланған ұнтақ, 1.0 мл еріткішпен жиынтықта

Фармакотерапиялық тобы
Несеп-жыныс жүйесі және жыныс гормондары. Жыныс гормондары және жыныс жүйесінің модуляторлары. Гонадотропиндер және басқа овуляция стимуляторлары. Гонадотропиндер. Менопаузалық гонадотропин.
АТХ коды G03GA02

Қолданылуы
Пациенттердің келесі топтарында әйелдер мен ерлердегі бедеулікті емдеу үшін:
Кломифен цитратымен емдеуге реакция болмаған әйелдерде аналық бездердің поликистозын (көп кисталы аналық бездер синдромын - ККАС) қоса, ановуляцияда:
- аналық бездердің бақыланатын гиперстимуляциясы жүргізілетін әйелдерде: менотропин қосалқы репродуктивтік технологиялар (ҚРТ), мысалы, экстракорпоральді ұрықтандыру / эмбриондарды тасымалдау (ЭКҰ/ЭТ), гаметаларды фаллопий түтіктеріне тасымалдау (ГФТТ) және сперматозоидтың цитоплазмаішілік инъекциясы (СЦІИ) үшін фолликулдардың көптеп дамуын индукциялауы мүмкін.
- ерлердегі гипогонадотропты гипогонадизмде: менотропинді сперматогенезді стимуляциялау үшін адамның хориондық гонадотропинімен (мысалы, Хорагоном) біріктіріп тағайындауға болады. Бастапқы тестикулярлық жеткіліксіздігі бар пациенттерде, әдетте, емге реакция болмайды.

Қолданудың басталуына дейінгі қажетті мәліметтер тізбесі
Қолдануға болмайтын жағдайлар
Мериоферт препаратын әйелдер мен ерлерге келесі жағдайларда қолдануға болмайды:
- әсер етуші затқа немесе қосымша заттардың кез келгеніне аса жоғары сезімталдық
- гипофиздің немесе гипоталамустың ісіктері
Әйелдерде
- аналық бездердің, жатырдың немесе сүт безінің карциномасы
- жүктілік және лактация кезеңі
- этиологиясы белгісіз гинекологиялық қан кету
- аналық бездердің кисталары немесе аналық бездердің поликистозынан туындамаған аналық бездердің ұлғаюы
Келесі жағдайларда емдеудің нәтижесі жағымды болуы екіталай, және сондықтан да Мериоферт препаратын тағайындамау керек:
- аналық бездердің бастапқы жеткіліксіздігі
- жыныс мүшелерінің жүктілікпен үйлесімсіз деформациясы
- жатырдың жүктілікпен үйлесімсіз фибромиомалары
- қанағаттанарлық нәтиже күтуге болмайтын құрылымдық аномалиялар, мысалы, жатыр түтіктерінің бітелуі (егер тек ЭКҰ үшін суперовуляцияны стимуляциялау қажет болмаса), аналық бездердің дисгенезиясы, жатырдың болмауы немесе мерзімінен бұрын басталған менопауза.
Ерлерде
- аталық бездердің ісіктері
- простата карциномасы
Қолдану кезіндегі қажетті сақтандыру шаралары
Менотропин – бұл жеңіл және ауыр жағымсыз реакцияларды тудыруға қабілетті гонадотропты дәрі және оны тек, бедеулік проблемаларымен және оларды емдеу әдістерімен жақсы таныс дәрігерлер қолдануы тиіс.
Гонадотропинмен емдеу дәрігерлер тарапынан белгілі бір уақыт жұмсауды қажет етеді және аналық бездердің реакциясын ультрадыбыстың (УДЗ) көмегімен, бөлек немесе сарысулық эстрадиол деңгейін өлшеумен бірге жүйелі түрде мониторинг жүргізу талап етіледі.

Пациенттер арасында менотропинді қолдануға жауапта елеулі ауытқымалылық, кейбір пациенттерде менотрофинді қолдануға нашар реакциямен болады. Ең төмен тиімді дозасын пайдалану керек.
Мериоферт препаратының бірінші инъекциясын дәрігердің тікелей қадағалауымен жүргізу керек.
Емдеуді бастар алдында жұбайлардың бедеулігін және жүктіліктің ықтимал қарсы көрсетілімдерін бағалау керек. Атап айтқанда, пациенттерде гипотиреоздың, бүйрек үсті бездері жеткіліксіздігінің, гиперпролактинемияның және гипофиз немесе гипоталамус ісіктерінің бар-жоқтығы тексерілуі, сондай-ақ, тиісінше арнайы ем тағайындалуы тиіс.
Фолликулдардың өсуін стимуляциялау жүргізілп жатқан пациенттер, ановуляторлық бедеулікті емдеу немесе ҚРТ емшаралары шеңберінде, аналық бездердің ұлғаюын немесе гиперстимуляцияның дамуын бастан өткеруі мүмкін. Менотропиннің ұсынылған дозасы мен қолданылу режимін сақтау, сондай-ақ, терапияға мұқият мониторинг жүргізу ондай оқиғалардың жиілігін азайтады. Фолликулдардың дамуы мен жетілуі көрсеткіштерін бағалау тиісінше тестілерді интерпретациялауда тәжірибесі бар дәрігердің қадағалауын талап етеді.
Аналық бездердің гиперстимуляциясы синдромы (АГС)
АГС – аналық бездердің асқынусыз ұлғаюынан өзгеше жай-күй. АГС өздігінен пайда болатын, ал симптомдарының ауырлығы арта түсуі мүмкін синдром болып табылады.
Синдром аналық бездер өлшемдерінің едәуір ұлғаюымен, жыныс стероидты гормондар деңгейінің жоғарылауымен, сондай-ақ, қантамырлардың өткізгіштігінің жоғарылауымен көрініс береді, ол құрсақ, плевра және, бірен-саран жағдайларда – перикард қуысында сұйықтық жинақталуына алып келуі мүмкін.
АГС ауыр жағдайларында келесі симптомдар байқалуы мүмкін: іш ауыруы, іштің кебуі, аналық бездердің едәуір ұлғаюы, дене салмағының артуы, ентігу, олигурия және жүрек айнуы, құсу мен диарея сияқты гастроинтестинальді симптомдар. Клиникалық тексеру кезінде гиповолемияны, электролиттер дисбалансын, асцит, гемоперитонеум, плевра жалқығын, гидроторакс, өкпенің жедел дистресс-синдромын және тромбоэмболия көріністерін анықтауға болады.
Егер несептегі эстроген деңгейі 24 сағат ішінде 540 нмольден (150 мкг) артық болса немесе егер плазмадағы 17 бета-эстрадиол деңгейі 3000 пмоль/л (800 пикограмм/мл) артық болса, немесе егер мәндерінің күрт жоғарылауы байқалса, гиперстимуляция қаупі жоғарылайды және менотрофинмен емдеуді дереу тоқтату керек, ал адамның хориондық гонадотропинін енгізбеу керек. Ультрадыбыстық зерттеуден фолликулдардың кез келген шамадан тыс дамуы және байқаусызда орын алған гиперстимуляция анықталады.
АГС ауыр түрі өмірге қауіп төндіруі мүмкін және аналық бездердің үлкен (жарылуға бейім) кисталарымен, іштің қатты ауыруымен, асцитпен, өте жиі гидроторакспен және кейде тромбоэмболиялық құбылыстармен сипатталады. Байқалуы мүмкін басқа симптомдар: іштің кебуін, аналық бездердің қатты ұлғаюын, салмақ жоғарылауын, ентігуді, олигурияны және жүрек айнуын, құсу мен диареяны қоса асқазан-ішек симптомдарын қамтиды. Клиникалық бағалаудан гиповолемия, гемоконцентрация, электролиттердің теңгерімсіздігі, гемоперитонеум, плевралық жалқықтар және өкпенің жедел дистресі анықталуы мүмкін.
Егер тек овуляцияны стимуляциялау үшін АХГ енгізілмесе ғана, аналық бездердің гонадотропинмен емдеуге шамадан тыс реакциясы сирек жағдайда АГС-ке алып келеді. Сондықтан, аналық бездердің гиперстимуляциясы жағдайларында АХГ қабылдаудан бас тартқан орынды болады және пациент әйелге кемінде 4 күн бойы жыныстық қатынастан бас тартуға немесе бөгеттік әдістерді пайдалануға кеңес беру керек. АГС жылдам үдеуі (24 сағатан бірнеше күнге дейінгі аралықта) және ауыр медициналық оқиғаға айналуы мүмкін, сондықтан пациент әйелдер АХГ енгізілгеннен кейін кемінде екі апта бойы қадағалауда болуы тиіс.
Менотропиннің ұсынылған дозасын, қабылдау режимін сақтау және терапияны мұқият мониторингілеу аналық бездердің гиперстимуляциясы мен көпұрықтық жүктіліктің жиілігін азайтады. Аналық бездердің бақыланатын гиперстимуляциясы жүргізілетін пациент әйелдер, эстрогендердің шамадан тыс реакциясы мен фолликулдардың көптеп дамуы салдарынан гиперстимуляцияның даму қаупінің жоғарылауына ұшырауы мүмкін. ҚРТ кезінде овуляцияға дейін бүкіл фолликуларды аспирациялау гиперстимуляцияның туындау жиілігін азайтуы мүмкін.
Егер жүктілік басталса, АГС ауырырақ болуы және ұзаққа созылуы мүмкін. АГС көбінесе, гормондық емді тоқтатқаннан кейін туындайды және емдеуден кейін шамамен жеті-он күннен соң ең жоғары ауырлығына жетеді. Әдетте, АГС етеккір басталғанда өздігінен басылады.
АГС ауыр түрі туындаған жағдайда, егер гонадотропиндермен емдеу әлі жалғасып жатса, оны тоқтату, пациент әйелді ауруханаға жатқызу және АГС арнайы емін бастау керек.
Синдром көбінесе аналық бездері көп кисталы пациент әйелдерде дамиды.
Көпұрықтық жүктілік
Көпұрықтық жүктілік, әсіресе, ұрық саны көп болған кезде, перинаталдық кезеңде анасы үшін де, шарана үшін де асқынулардың туынду қаупін төндіреді.
Табиғи жолмен ұрықтанудың нәтижесіндегі жүктілікпен салыстырғанда, овуляциясы гонадотропты гормонмен емдеудің нәтижесінде басталатын пациент әйелдерде көпұрықтық жүктілік жағдайлары жиілейді. Көпұрықтылық қаупін азайту үшін, әйелдің аналық бездерінің реакциясын мұқият қадағалау қажет.
ҚРТ жүргізілгеннен кейінгі пациент әйелдерде көпұрықтық жүктілік қаупі негізінен, тасымалданған эмбриондар санына, олардың сапасына және пациент әйелдің жас шамасына байланысты.
Емдеуді бастағанға дейін пациент әйелдерге, оларда көпұрықтық жүктіліктің туындауы мүмкіндігі туралы ескерту керек.
Жүктіліктің тоқтауы
Түсіктің немесе аборттың нәтижесінде жүктіліктің тоқтауы пациент әйелдердің әдеттегі популяциясындағыға қарағанда, ҚРТ емшаралары үшін фолликулдардың өсуін стимуляциялау жүргізілетін пациент әйелдерде жоғары.
Жатырдан тыс жүктілік
Сырқатнамасында жатыр түтіктерінің ауруы болған әйелдер, жүктіліктің өздігінен ұрықтану нәтижесінде немесе бедеулікті емдеудің нәтижесінде басталғандығына байланыссыз, жатырдан тыс жүктілік қаупіне бейім келеді. Хабарланғандай, ЭКҰ-дан кейін жатырдан тыс жүктіліктің көп таралуы жалпы популяциядағы 1-ден 1,5 %-ға дейінгімен салыстырғанда 2-дан 5%-ға дейін құрайды.
Ұрпақ өрбіту ағзаларының жаңа түзілімдері
Бедеулігіне қатысты бірнеше рет дәрі-дәрмектік ем қабылдаған әйелдерде, аналық бездердің және ұрпақ өрбіту жүйесінің басқа ағзаларының қатерлі және қатерсіз жаңа түзілімдерінің дамығаны туралы хабарланды. Бүгінгі күні бедеуліктен зардап шегіп жүрген әйелдерде гонадотропинді қолданып емдеу мен жаңа түзілімдерге бейімділік арасында байланыстылық әлі де анықталмаған.
Туа біткен даму ақаулары
ҚРТ жүргізілгеннен кейін әйелдерде туа біткен даму ақауларының таралуы табиғи ұрықтану кезіндегі ақаулар санынан аздап жоғары болуы мүмкін. Бұл ата-аналарының жекелеген ерекшеліктерінің (анасының жасы, шәуһет сипаттамалары және т.б.) және көпұрықтық жүктіліктің нәтижесі болуы мүмкін деп есептеледі.
Тромбоэмболиялық бұзылулар
Тромбоэмболиялық асқынулардың даму қаупі жоғары әйелдерде, тұқым қуалайтын бейімділігіне, елеулі семіздік (дене салмағының индексі > 30 кг/м²) немесе тромбофилияға қарамастан, веналық немесе артериялық тромбоэмболиялық бұзылулар гонадотропинмен емдеу кезінде де, емдеу аяқталғаннан кейін де дамуы мүмкін. Жүктілік те өз алдына, тромбоэмболиялық асқынулардың қаупін жоғарылататынын айта кету керек.
Басқа дәрілік препараттармен өзара әрекеттесуі
Клиникалық тәжірибенің жоқтығына қарамастан, Мериоферт препаратын кломифенмен бір мезгілде қолдану фолликулдардың жетілуі реакциясын күшейтуі мүмкін деп күтіледі. Гипофизді десенсибилизациялау мақсатында гонадотропин-рилизинг фактордың агонистерімен бірге қолданғанда аналық бездер тарапынан қажетті реакцияға қол жеткізу үшін Мериоферттің жоғары дозалары қажет болуы мүмкін.
Қазіргі кезге дейін басқа дәрілік препараттармен клиникалық тұрғыдан елеулі өзара әрекеттесулері туралы хабарланбады.
Арнайы ескертулер
Лактоза
Препараттың құрамында лактоза бар, сондықтан галактоза жақпаушылығының сирек тұқым қуалайтын түрлері, лактаза жеткіліксіздігі немесе глюкоза-галактаза мальабсорбциясы синдромы бар пациенттер оны қолданбауы керек.
Педиатрияда қолданылуы
Балалар мен 18 жасқа дейінгі жасөспірімдерде қолданылмайды.
Жүктілік немесе лактация кезінде
Мериоферт препаратын жүкті әйелдерге қолдануға болмайды.
Менотропиндерді жүкті әйелдердің қолданғаны туралы деректер жоқ немесе шектеулі.
Мериоферт препаратын бала емізетін әйелдерге қолдануға болмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралдары мен механизмдерді басқару қабілетіне әсерін зерттеулер жүргізілген жоқ. Алайда, Мериоферт препаратының пациенттегі автомобиль жүргізу және механизмдермен жұмыс істеу қабілетіне әсер ету ықтималдығы аз.

Қолдану жөніндегі нұсқаулар
Дозалану режимі
Мериоферт препаратымен емдеуді тек, тиісінше маманданған және бедеулікті емдеуде тәжірибесі бар дәрігердің бақылауымен жүргізу керек. Бұлшықет ішіне немесе тері астына қолдануға арналған. Төменде сипатталған дозалау режимдері енгізудің екі түрі үшін ұқсас.
Аналық бездердің экзогенді гонадотропиндерге реакциясында дербес елеулі айырмашылықтар бар. Бұл бірыңғай дозалау схемасын әзірлеу мүмкіндік бермейді. Сондықтан, дозасы аналық бездердің реакциясына байланысты жекелей түзетілуі тиіс. Дозалануы мен емдеу ұзақтығы бойынша ұсынымдар нақты емдеу хаттамасына байланысты өзгеріп отыруы мүмкін.
Ановуляция (ККАС – көп кисталы аналық бездер синдромын қоса)
Мериоферт препаратын әйелдерде фолликулдардың жетілуін стимуляциялау үшін енгізеді, содан кейін овуляцияны және сары дененің түзілуін стимуляциялау үшін хориондық гонадотропинмен ем жүргізеді.
Мериоферт препаратымен емдеуді етеккір оралымының алғашқы 7 күні ішінде бастау керек. Мериоферт препаратының ұсынылатын бастапқы дозасы күніне 75–150 ХБ құрайды, оны кемінде 7 күн бойы жалғастыру керек. Клиникалық мониторингтің (бөлек немесе эстрадиол деңгейін өлшеумен бірге аналық бездердің УДЗ қоса) негізінде, келесі дозасын пациенттің жекелей реакциясына сәйкес түзету керек. Дозасын түзетулерді әр 7 күннен жиі жүргізбеу керек. Дозасының ұсынылатын арттырылуы бір түзетуде 37,5 ХБ құрайды және 75 ХБ аспауы тиіс. Ең жоғары тәуліктік дозасы 225 ХБ аспауы тиіс. Егер 3 апта емдеуден соң пациенттің препаратты қолдануға реакциясы талапқа сай болмаса, бұл циклді тоқтату керек және пациент әйел емделуді үзілген циклдегіге қарағанда жоғарырақ бастапқы дозасынан қайта бастауы керек.
Оңтайлы жауап алынған жағдайда, Мериоферт препаратын қабылдау тоқтатылады. Мериоферт препаратының соңғы инъекциясынан кейін 1 күннен соң АХГ 5000 ХБ - 10 000 ХБ дейінгі бір реттік инъекциясы жасалуы тиіс. Пациентке АХГ енгізілген күні және енгізгеннен кейінгі келесі күні жыныстық қатынаста болу ұсынылады. Баламасы ретінде, жатырішілік инсеминация (ЖІИ) жүргізуге болады. Егер Мериоферт препаратын қолдануға шамадан тыс жауап алынса, емдеуді тоқтату және АХГ бас тарту керек, ал пациент әйел контрацепцияның бөгеттік әдісін пайдалануы немесе келесі етеккірлік қан кету басталғанға дейін жыныстық қатынастан бас тартуы керек. Емдеуді келесі емдеу циклінде алдыңғы циклдегіге қарағанда төмен дозада қайта жаңғырту керек.
Қосалқы репродуктивтік технологиялар (ҚРТ) шеңберінде фолликулдардың көптеп дамуы үшін аналық бездердің бақыланатын гиперстимуляциясы жүргізілетін әйелдер
ГнРГ агонисінің көмегімен төмендетіп реттеу пайдаланылатын хаттамаға сәйкес, Мериоферт препаратымен емдеуді агониспен емдеуді батсағаннан кейін шамамен 2 аптадан соң бастау керек. ГнРГ антагонисінің көмегімен төмендетіп реттеу пайдаланылатын хаттамада менотропинмен емдеуді еттеккір оралымының 2-ші немесе 3-ші күні бастау керек. Менотропиннің ұсынылатын бастапқы дозасы емдеудің кемінде алғашқы 5 күні бойына күніне 150-225 ХБ құрайды. Клиникалық мониторингтің (бөлек немесе эстрадиол деңгейін өлшеумен бірге аналық бездердің УДЗ қоса) негізінде келесі дозасын пациенттің жекелей реакциясына сәйкес түзету керек және бір түзетуде 150 ХБ-дан артық арттырмау керек. Ең жоғары тәуліктік дозасы күніне 450 ХБ аспауы тиіс, және көпшілік жағдайда 20 күннен артық дозалау ұсынылмайды.
Фолликулдардың қолайлы саны тиісінше өлшеміне жеткен кезде, ооциттерді шығаруға дайындық шеңберінде фолликулдардың түбегейлі жетілуін тудыру үшін 5000 ХБ - 10 000 ХБ дейінгі АХГ бір реттік инъекциясын жасау керек. Пациент АХГ енгізілгеннен кейін кемінде 2 апта бойы қатаң қадағалауда болуы тиіс. Егер менотропинге шамадан тыс жауап алынса, емдеуді тоқтату, ал АХГ енгізуден бас тарту керек және пациент әйелге контрацепцияның бөгеттік әдістерін пайдалану немесе етеккірі басталғанға дейін жыныстық қатынастан бас тарту ұсынылады.
Ерлердегі бедеулік
Сперматогенезді хориондық гонадотропинмен (аптасына екі-үш рет 1000–2000 ХБ) стимуляциялайды, содан соң менотропинді аптасына екі-үш рет 75 немесе 150 ХБ ЛГ-мен 75 немесе 150 ХБ ФСГ дозасында енгізеді. Емдеуді кемінде 3 немесе 4 ай бойы жалғастыру керек.
Пациенттердің ерекше топтары
Балалар
Балалар мен 18 жасқа дейінгі жасөспірімдерде қолданылмайды.
Егде жастағы пациенттер
Менотропин егде жастағы адамдарда қолданылмайды.
Бүйрек және/немесе бауыр жеткіліксіздігі бар пациенттерде
Бүйрек және/немесе бауыр жеткіліксіздігі бар пациенттерде дозалануы жөнінде клиникалық деректер жоқ.
Енгізу әдісі және жолы
Мериоферт препараты тері астына немесе бұлшықет ішіне қолдануға арналған. Ұнтақты тікелей енгізер алдында, қоса берілген еріткішті пайдалана отырып ерітеді.
Ерітіндіні дайындау
Ұнтақты тек қаптамадағы еріткішпен сұйылту керек. Сұйылтуға арналған инені ішіне алдын ала ерітінді толтырылған шприцке жалғаңыз. Ерітіндіні түгелімен ұнтақ салынған құтыға енгізіңіз. Ұнтақ мөлдір ерітінді алынғанға дейін жылдам еруі тиіс. Керісінше жағдайда, құтыны мөлдір ерітінді алынғанға дейін абайлап айналдырыңыз. Қатты сілкімеу керек. Мөлдір емес ерітіндіні немесе ішінде көзге көрінетін бөлшектер бар ерітіндіні пайдалануға болмайды.
Артық дозалану жағдайында қабылдау қажет болатын шаралар
Мериоферт препаратының артық дозалануының салдарлары белгісіз. Алайда, кей жағдайларда аналық бездердің гиперстимуляциясы синдромы туындауы мүмкін ("Айрықша нұсқауларды" қараңыз).
Емі симптоматикалық.
Дәрілік препараттың бір немесе бірнеше дозасын өткізіп алған жағдайда қажетті шаралар
Егер сіз препаратты дәл уақытында қабылдауды ұмытып кетсеңіз, өткізіп алған дозасының орнын толтыру үшін екі есе дозасын қабылдамаңыз. Бұл туралы өз дәрігеріңізге хабарлаңыз.
Егер сіз ем қабылдауды тоқтататын болсаңыз
Мериоферт препаратын қабылдауды, дәрігермен кеңесіп алмай тұрып тоқтатпаңыз; керісінше жағдайда препарат тиісінше әсер етпеуі мүмкін.
Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар
Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.
Мериоферт 75/150 ХБ препаратын тері астына өз бетінше енгізу жөніндегі нұсқаулық
a) Инъекцияға арналған ерітіндіні дайындау
Ерітінді тура енгізер алдында дайындалуы тиіс. Ұнтақты еріту үшін тек жеткізілім жиынтығына кіретін еріткішті ғана пайдалануға болады.
Егер сіз Мериоферт препаратын өз бетіңізше пайдаланатын болсаңыз, келесі нұсқауларды мұқият оқып шығыңыз:
Қолыңызды жуыңыз. Сіздің қолыңыз бен сіз пайдаланатын заттардың таза болғаны маңызды.
Қажеттілердің барлығын дайындаңыз және бүкіл заттарды таза беткейге қойыңыз:
• Мериоферт препаратының 1 құтысы (ұнтақ);
• алдын ала еріткіш (физиологиялық ерітінді) толтырылған 1 шприц;
• дезинфекциялайтын (спиртті) 2 сүрткі;
• инъекция үшін ерітінді дайындауға арналған 1 ұзын ине;
• теріастылық инъекцияларға жарамды 1 жіңішкелеу ине;
• шыны мен инелерді қауіпсіз утилизациялауға арналған 1 контейнер.

Дайындау емшарасы
• Алдын ала толтырылған шприцтің қорғағыш қалпақшасын алып тастаңыз және дайындауға арналған инені (ұзынырақ ине) жалғаңыз. Шприцті алдын ала дайындалған және тазартылған жұмыс беткейіне, инесін тигізбей абайлап қойыңыз
• Ұнтақ салынған құтының алюминий қалпақшасын ашыңыз (1 сурет) және оның астындағы резеңке тығынды дезинфекцялайтын сүрткінің көмегімен дезинфекциялаңыз

Алдын ала толтырылған шприцті алыңыз және еріткішті ұнтақ салынған құтыға резеңке тығыны арқылы баяу енгізіңіз (2 сурет).

Ұнтақ толық еруі үшін, құтыны бірнеше рет абайлап домалатыңыз (сілкімеңіз). Көпіршіктер түзілмеуін қадағалаңыз. Ұнтақ толығымен еріген бойда (әдетте бірден ериді), дайындалған ерітіндіні шприцке баяу тартып алыңыз (3 сурет)
Осындай жолмен алынған ерітіндінің мөлдір, түссіз және ішінде бөлшектер жоқ екендігіне аөз жеткізіңіз.
Егер дәрігер Мериоферт препаратының бірнеше құтысын бір мезгілде еннгізу үшін жазып берсе, инъекциялық ерітіндіні, бірінші құтының ішіндегі ерітілген қоспаны екінші құтыға енгізе отырып дайындау қажет. Бұл емшараны жазып берілген дозаға қол жеткізілгенше қайталау керек. 1 мл ерітіндіде Мериоферт 75 ӘБ немесе 150 ӘБ ең көбі 3 құтысының ішіндегісін ерітуге болады.
Бір құтының ішіндегісі бір рет қолдануға арналған.

б) Тері астына енгізу
Сіздің дәрігеріңіз инъекцияны қайда (іш немесе сан) жасаған дұрыс болатындығы жөнінде нұсқау береді.
• Бұрын инъекцияға арналған ерітіндіні дайындау үшін пайдаланылған инені лақтырып тастаңыз, және оны жіңішкелеу және қысқалау инъекциялық инемен алмастырыңыз. Жіңішке инені шприцтің корпусына мықтап тақаңыз және оның толықтай бұралғаны мен толықтай жанасып тұрғанына көз жеткізу үшін сәл бұраңыз.

Қауіпсіздігін тексеру: Барлық ауа көпіршіктерін кетіру қажет. Ол үшін, инесін жоғары қаратып және шприцті сәл шайқап (ауа көпіршіктері жоғары көтерілуі үшін), шприцтіңпоршенін алғашқы сұйықтық тамшысы пайда болғанға дейін өте баяу басыңыз (1 сурет).
Спиртті сүрткінің көмегімен теріні инъекция орнынан 4-5 см шегінде дезинфекциялаңыз.
Теріні қыртыс түзілетіндей мықтап қысып жиырып тұрыңыз, және инені тері астына 45° бұрыштан баяу кіргізіңіз (2 сурет).

Шприцтің поршенін өзіңізге қарай баяу тартып көріп, иненің дұрыс салынғанына көз жеткізіңіз. Егер ине дұрыс қалыпта тұрса, поршені күш салғанда ғана қозғалады. Егер шприцке қан кіріп кетсе, ол иненің ұсақ қантамырға тиіп кеткенін білдіреді. Бұл жағдайда инені шығарып алып, тесілген орынды дезинфекциялайтын сүрткімен дезинфекциялаңыз, инені, шприц пен құтыны лақтырып тастаңыз және жоғарыда сипатталған емшараны жаңа Мериоферт құтысымен және жаңа стерильді шприцпен қайталау қажет.
• Ине дұрыс қалыпқа орнатылған кезде, поршенін сәл баса отырып шприцтің ішіндегісін енгізіңіз.
• Содан соң инені шапшаң қимылмен шығарып алыңыз және инъекция орнын дезинфекциялаңыз. Инъекция орнына жеңіл массаж жасау дәрінің тіндерге енуіне көмектесуі мүмкін.
• Дайын ерітіндінің қалдықтарын лақтырып татсау және қайта пайдаланбау керек.
Инъекция орнын үнемі ауыстырып отыру (мысалы, іш немесе сан) ұсынылмайды. Алайда, инъекция орнын бір аумақ шегінде, бір инъекция орны айына бір реттен жиі пайдаланылмайтындай қылып ауыстырып отыру керек.

Пайдаланылған компоненттердің барлығын утилизациялау
Инелердің, құтылар мен шприцтердің барлығын инъекциядан кейін бірден арнайы контейнерге утилизациялаңыз.

ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар
Жиі
- іш ауыруы, іштің кебуі, жүрек айнуы
- инъекция орнындағы реакциялар
- бас ауыруы
- аналық бездердің гиперстимуляциясы синдромы, жамбастың ауыруы (аналық бездер аймағының ауыруы, жатыр қосалқылары аймағының ауыруы)
Жиі емес
- құсу, іштегі жайсыздық, диарея
- қатты қажу
- бас айналуы
- аналық бездің кистасы, сүт бездерінің ауырсынуы және жайсыздығы, сүт бездерінің ісінуі және домбығуы, емшек ұшының ауыруы
- ысынулар
Сирек
- безеулі бөртпе
Жиілігі белгісіз (қолда бар деректердің негізінде бағалау мүмкін емес)
- көру қабілеті тарапынан бұзылулар (өтпелі соқырлық, диплопия, мидриаз, скотома, фотопсия, шыны тәрізді дененің өтпелі бұлыңғырлануы, анық көрмеу
- аса жоғары сезімталдық реакциялары (жергілікті немесе жалпы аллергиялық реакциялар, соның ішінде анафилаксиялық реакциялар)
- қаңқа-бұлшықет ауыруы (буындардың, арқа мен мойынның, аяқ-қолдардың ауыруы)
- аналық бездің бұралып қалуы
- терінің қышуы, есекжем

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz

Қосымша мәліметтер
Дәрілік препараттың құрамы
Бір құтының ішінде
белсенді зат: менотропин (адамның тазартылу дәрежесі жоғары менопаузалық гонадотропині, аМГ), бұл 75 ХБ ФСГ (фолликуластимуляциялайтын гормонға) + 75 ХБ ЛГ (лютеинделген гормонға) және 150 ХБ ФСГ + 150 ХБ ЛГ сәйкес келеді, еріткішпен: 0.9 % натрий хлоридінің 1 мл ерітіндісімен жиынтықта
қосымша заттар: лактоза моногидраты 10 мг, инъекцияға арналған су

Сыртқы түрінің, иісінің дәмінің сипаттамасы
Ақ түсті, тығын түріндегі лиофилизацияланған ұнтақ.
Дайын ерітіндінің сипаттамасы: көзге көрінетін механикалық қосылыстарсыз, мөлдір түссіз ерітінді.

Шығарылу түрі және қаптамасы
Инъекцияға арналған 75 ХБ лиофилизацияланған ұнтақ I типті түссіз шыныдан жасалған, сұр түсті резеңке тығынмен тығындалған, «FLIP OFF» типті ашық-жасыл түсті қақпағы бар алюминий қалпақшамен қаусырылған құтыға салынады.
Инъекцияға арналған 150 ХБ лиофилизацияланған ұнтақ I типті түссіз шыныдан жасалып, сұр түсті резеңке тығынмен тығындалған, «FLIP OFF» типті күңгірт-жасыл түсті қақпағы бар алюминий қалпақшамен қаусырылған құтыға салынады.
I типті түссіз мөлдір шыныдан жасалған ампулаларда 1 мл еріткіштен.
Дәрілік препараттың 1, 5 немесе 10 құтысы және еріткіштің 1, 5 немесе 10 ампуласы салынған пластик астауша қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

Сақтау мерзімі
2 жыл.
Жарамдылық мерзімі өткеннен кейін қолдануға болмайды!

Сақтау шарттары
25° С-ден аспайтын температурада сақтау керек.
Балалардың қолы жетпейтін жерде сақтау керек!

Дәріханалардан босатылу шарттары
Рецепт арқылы.


Өндіруші туралы мәліметтер
Швейцария,
IBSA INSTITUT BIOCHIMIQUE SA
Via Serta 12, 6814 Lamone, Switzerland
Телефоны: +41 58 360 10 00
Электронды пошта: www.ibsa.swiss.ibsagroup.com


Тіркеу куәлігінің ұстаушысы
IBSA INSTITUT BIOCHIMIQUE SA,
Via Pian Scairolo, 49
6912 Pazzallo, Switzerland
Телефоны: +41 58 360 10 00
Электронды пошта: www.ibsa.swiss.ibsagroup.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
Қазақстан, «BB Farm» ЖШС, Тимирязев көш., 42, 15/1Б к., 105 кеңсе
Алматы, Қазақстан
Телефоны: +7 (727) 364 50 45
Электронды пошта: info@bbfarm.kz